Бітімгерлерді Қазақстанға қайтару шешімін кім қабылдайды
АСТАНА. KAZINFORM – ҚР Қорғаныс министрінің бірінші орынбасары Сұлтан Қамалетдинов бітімгерлерді Қазақстанға қайтару тәртібіне қатысты түсінік берді.
Бүгін Сенатта тілшілер Голан жоталарындағы қазақстандық бітімгерлерді елге қайтару шешімін кім қабылдайтынын сұрады. Өз кезегінде Сұлтан Қамалетдинов бұл сұрақты БҰҰ Бас хатшысына жолдау керек екенін айтты.
- Атап айтқанда, бұл контингент БҰҰ хатшылығына бағынады. Оларды эвакуациялау немесе басқа жерге көшіру мәселелерін БҰҰ хатшылығы мен осыған тікелей жауапты қолбасшы шешеді, - деді ҚР Қорғаныс министрінің бірінші орынбасары.
Еске салсақ, 2024 жылы наурыз айында қазақстандық бітімгерлерді Голан биігіне шығарып салу рәсімі өтті.
Бұған дейін хабарланғандай, БҰҰ Қазақстанға бітімгерлік миссияға жылына 5 млн доллар төлем жасайды.
Бұдан бөлек, Голан жоталарынан оралған қазақстандық бітімгерлер қызметін қайда жалғастыратыны мәлім болды.
