Бүгін Қазақстанның басым аумағында қар араласқан жауын, бұрқасын, ұйытқыма жел мен тұман күтілуде

ТАНА. 17 қараша. ҚазАқпарат - Бүгін, 17 қараша күні атмосфералық ағым бөліктерінің ықпал етуімен Қазақстанның басым аумағында жауын жауып, бұрқасындатады, ұйытқыма жел мен тұман күтілуде.

Бұл туралы «Қазгидромет» қызметінен хабарлады. Атап айтқанда, Ақмола, Ақтөбе, Солтүстік Қазақстан, Қостанай, Павлодар, Қарағанды облыстарының кей жерлерінде бұрқасындатып, 15-20 м/с жылдамдықта жел соғады. Қостанай облысында түнде және күндіз тұман түсуі ықтимал. Алматы облысында түнде жекелеген өңірлерде тұман, күндіз Жалаңашкөл аумағында 15-20 м/с күшпен жел соғады. Жамбыл, Атырау, түнде Батыс Қазақстан облыстарында - тұманды. Маңғыстау, Оңтүстік Қазақстан облыстарының кей аумақтарында тұман түсіп, секундына 15-20 метр жылдамдықта жел тұрады. Қызылорда облысының кей жерлерінде сондай-ақ, желді, оның күші секундына 15-20 метрді құрайтын болады. Ал Шығыс Қазақстан облысында жаяу бұрқасын жүреді.