Бүгін үш облыста Сенаттың жаңа депутаттары сайланады
Орталық сайлау комиссиясының мәліметінше, болашақ сенаторларды таңдаушылар - мәслихат депутаттары.
Олар жанама сайлау құқығы негізінде жасырын дауыс беру арқылы депутаттарды сайлайды.
Парламент Сенатының депутаттарын сайлау таңдаушылардың бірлескен отырысында өткізіледі, отырыс сағат 11.00-де (елорда уақытымен) басталады.
Абай, Жетісу және Ұлытау облыстарынан Парламент Сенатының депутаттарын сайлауда таңдаушыларды тіркеу сағат 10.00-де (елорда уақытымен) басталады.
Сенаттағы 6 мандатқа 12 кандидат үміткер болып отыр.
Үш өңірдегі таңдаушылардың жалпы тізіміне 346 мәслихат депутаты енгізілген.
Дауыс беру күні Орталық сайлау комиссиясының интернет-ресурсында онлайн байқау сервистері жұмыс істейді.
Сайлау күнінің барысы туралы ақпарат ОСК Telegram арнасында жарияланып отырады.