Бүгін Астанада 15 автобустың бағдары уақытша өзгереді

АСТАНА. KAZINFORM – Бүгін Астанада сағат 08.00-ден 20.00-ге дейін он бес автобустың бағдары уақытша өзгереді. Бұл туралы «City Transportation Systems» ЖШС баспасөз қызметі хабарлады.

«Құрметті Астана қаласының тұрғындары мен қонақтары! 3 қарашада сағат 08.00-ден 20.00-ге дейін LRT эстакадасының уақытша металл тіректерін демонтаждауға байланысты, Мәңгілік Ел даңғылы бойында Сығанақ көшесімен қиылысында жолды толығымен жабу жоспарланды. Сапарларыңызды алдын ала жоспарлауды сұраймыз. Уақытша қолайсыздықтар үшін кешірім сұраймыз», — делінген «City Transportation Systems» ЖШС хабарламасында.

Еске сала кетейік, бұған дейін Алматыдан Қаскелең мен Ұзынағашқа қатынайтын автобустар жолға шыққанын жазған болатынбыз.