Бүгін «Барыс» Ресейде «Автомобилист» командасымен кездеседі

АСТАНА. KAZINFORM - Қазақстандық «Барыс» командасы бүгін Құрлықтық хоккей лигасындағы кезекті ойынын Ресейде «Автомобилист» (Екатеринбург) командасына қарсы өткізеді.

Кездесу бүгін, 17 қыркүйекте сағат 19:00-дe басталып, «Qazsport» телеарнасынан тікелей эфирде көрсетіледі.

Екі команда бұған дейін 61 мәрте кездескен. Оның 37-i елордалық клубтың басымдығымен аяқталса, қалған ойында ресейлік команда жеңіске жеткен. Кейінгі екі ойында қазақстандық клуб аталған қарсыласына есе жіберген.

Айта кетсек, бұдан бұрын «Барыс» елордада Ресейдің «Нефтехимик» (Нижнекамск), «Трактор» (Челябинск), «Амур» (Хабаровск), Беларусьтің «Динамо» (Минск) командаларынан жеңіліп қалған еді.

Енді қазақстандық команда бұдан кейін қатарынан екі ойынын сырт айдында өткізеді. Алдымен 19 қыркүйекте «Ак Барс» (Қазан) командасымен кездессе, 21 қыркүйекте «Витязь» (Подольск) клубтарымен ойнайды.