Бүгін Чемпиондар лигасы 1/8 финалының қарымта ойындары басталады

АСТАНА. KAZINFORM - Бүгін, 11 наурызда УЕФА Чемпиондар лигасы 1/8 финалының қарымта ойындары басталады.

Аталған турнирде биыл алғаш рет 36 команда бақ сынап жатыр. Дүбірлі доп додасында командалар жаңадан әзірленген нұсқа бойынша сайысқа түсуде.

Алдымен 11 наурызда сағат 22.35-те Францияның «Барселонасы» өз алаңында Португалияның «Бенфика» клубымен шеберлік байқасады. Алғашқы ойында испаниялық клуб 1:0 есебімен басым түскен еді.

Артынша 00:50-де «Ливерпуль» (Англия) мен «Пари Сен-Жермен» (Франция) жасыл алаңға шығады. Аталған жұптың алғашқы ойынында англиялық клуб 1:0 есебімен жеңіске жетті. Аталған ойындар «Qazsport» телеарнасынан тікелей эфирде көрсетіледі.

Ал 00:50-де басталатын «Байер» (Германия) мен «Бавария» (Германия) кездесуін тікелей эфирде «Qazaqstan» теларнасынан тамашалауға болады. Алғашқы кездесу 3:0 есебімен мюнхендік клубтың басымдығымен аяқталды.

Сондай-ақ бұл күні «Интер» (Италия) мен «Фейеноорд» (Нидерланд) кездесуі болады. Бірінші кездесуде италиялық клуб қарсыласын 2:0 есебімен тізе бүктірді.

Екінші ойын күні, 12 наурызда 22.35-те «Лилль» (Франция) мен «Боруссия Дортмунд» (Германия) шеберлік байқасады. Алғашқы кездесуде командалар 1:1 есебіне қанағат білдірді. Ал 00:50-де «Атлетико Мадрид» (Испания) пен «Реал Мадрид» (Испания) кездеседі. Бұл жұптың бірінші ойыны 2:1 есебімен корольдік клубтың басымдығымен аяқталды. Аталған екі кездесу «Qazsport» телеарнасынан тікелей эфирде көрсетіледі.

Сондай-ақ «Арсенал» (Англия) мен ПСВ (Нидерланд) ойынын 00:50-де тікелей эфирде «Qazaqstan» телернасынан көруге болады. Бірінші ойында англиялық клуб 7:1 есебімен жеңіске жетті.

Жарыстың аталған сатысындағы тағы бір кездесу «Астон Вилла» (Англия) мен «Брюгге» (Бельгия) шеберлік байқасады. Бірінші кездесу 3:1 есебімен англиялық клубтың басымдығымен аяқталды.

Осыған дейін әлем және Қазақстан футболының аңызға айналған ойыншылары Астанада кездесетіні туралы жаздық.