Бүгін — Дүниежүзілік Паркинсон ауруымен күрес күні
АСТАНА. KAZINFORM — 11 сәуір күні дүниежүзінде Паркинсон ауруымен күрес күні ретінде аталып өтеді.
Паркинсон ауруы — ең көп таралған нейродегенеративті аурулардың бірі. Жыл сайын жағдайлардың саны артып келеді және қауіптер жас ұлғайған сайын артады.
Әрбір адам білуі тиіс алғашқы белгілер:
* тыныштықта дірілдеу (тремор),
* қозғалыстың баяулауы,
* бұлшықеттің қаттылығы,
* тепе-теңдік пен жүрістің бұзылуы.
Ерте анықтау және сауатты терапия аурудың дамуын бәсеңдетуге және өмір сапасын сақтауға көмектеседі. Бүгінгі таңда дәрі-дәрмек терапиясы мен жеке жаттығу терапиясы бағдарламаларын қоса алғанда, заманауи емдеу және оңалту әдістері бар.
Қолдау, хабардар болу және жақындарыңызға назар аудару — Паркинсон ауруымен күресудің маңызды қадамдары.
Паркинсон ауруы – орталық жүйке жүйесінің созылмалы және прогрессивті бұзылысы. Ол негізінен мидағы допамин өндіретін нейрондардың жоғалуымен сипатталады, нәтижесінде қозғалыс функциялары бұзылады.
Еліміздегі ауруханалар мен клиникалар заманауи неврологиялық диагностикалық әдістерді (мысалы, клиникалық тексеру, бейнелеу әдістері – МРТ, компьютерлік томография және т.б.) пайдаланып, Паркинсон ауруын ерте кезеңде анықтауға тырысады.
Қазақстанның жоғары оқу орындары мен зерттеу институттары нейродегенеративті аурулар, соның ішінде Паркинсон ауруы бойынша үздіксіз зерттеу жұмыстарын жүргізіп келеді. Бұл зерттеулер аурудың патогенезін түсінуге, жаңа диагностикалық әдістер мен емдеу жолдарын жетілдіруге бағытталған.
Елімізде аурумен күресетін пациенттерге арналған қолдау топтары мен қауымдастықтар белсенді жұмыс істейді. Олар науқастар мен олардың отбасыларына психологиялық, әлеуметтік және медициналық көмек көрсетеді, сондай-ақ ауру туралы қоғамдық ақпараттандыруды арттыруға бағытталған шараларды ұйымдастырады.
Бүкіл әлемде Паркинсон ауруынан мүгедектік пен өлім-жітім көбейіп келеді. Дүниежүзілік денсаулық сақтау ұйымының мәліметі бойынша, соңғы бірнеше жылда бұл ауруға шалдыққандар саны екі есеге артқан. Паркинсон ауруының қазіргі таңда емі жоқ, бірақ емдеу өмір сүру сапасын сақтауға көмектеседі. Ауруды айтарлықтай жеңілдететін терапия бар. Алматыдағы ҚР Президенті Іс Басқармасына қарасты Орталық клиникалық ауруханасының невролог-дәрігері Махмұт Мырзахметов Kazinform тілшісіне Паркинсон ауруы қазақстандықтар арасында қаншалықты жиі кездесетінін және оны қалай анықтауға болатыны туралы сұқбатын мына сілтемеден оқи аласыз.
