Бүгін екі қалада ауа ластанады

АСТАНА. KAZINFORM – Бүгін Қазақстанның екі қаласында жайсыз метеорологиялық жағдайлар қалыптасып, ауа ластанады, деп хабарлайды Қазгидромет.

«2024 жылғы 13 қарашада Атырау, Ақтөбе қалаларында ауаның ластануының қолайсыз метеорологиялық жағдайлары күтілуде»,-делінген хабарламада.

Қолайсыз метеорологиялық жағдайлар - атмосфералық ауаның беткі қабатында зиянды (ластаушы) заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы.

Қолайсыз метеорологиялық жағдай кезінде елдімекендердегі атмосфералық ауаның сапасы нашарлауы ықтимал.

Кеше еліміздің үш қаласында ауа ластанатыны туралы жазған едік.