Бүгін еліміздің басым бөлігінде тұрақсыз ауа райы сақталады

АСТАНА. KAZINFORM – Қазгидромет ел аумағында 5 наурызда болатын қауіпті метеорологиялық құбылыстарға болжам жасады. 

Болжамға қарағанда, атмосфералық фронттардың өтуімен еліміздің басым бөлігінде ауа райының тұрақсыз сипаты сақталады.

- ҚР батысында жауын-шашын жаңбыр мен қар түрінде болады. Тек елдің оңтүстігінде жауын-шашынсыз ауа райы болады. Республика бойынша тұман, жаяу бұрқасын, желдің күшеюі, батысында, солтүстік-батысында, оңтүстігінде көктайғақ болжанады, - деп жазады синоптиктер.

Күндіз Ақтөбе облысының батысында қатты қар жауады.

Айта кетейік, бұған дейін еліміздің 15 өңірінде тұман түсіп, бұрқасын болатыны хабарланды.