Бүгін еліміздің басым бөлігінде жауын-шашынсыз ауа райы сақталады

АСТАНА. KAZINFORM – Қаззидромет РМК ел аумағында 27 наурызда болатын қауіпті метеорологиялық құбылыстарға болжам жасады.

Дерекке қарағанда, Қазақстанның басым бөлігіндегі ауа райын кең ауқымды антициклон анықтайтын болады.

- Соған байланысты жауын-шашынсыз ауа райын орнығады. Тек республиканың оңтүстік-батысында, оңтүстігінде атмосфералық фронтальды бөлімдердің өтуімен түнгі уақытта жауын-шашын жаңбыр мен қар түрінде, күндіз жаңбыр жауады, оңтүстікте қатты жаңбыр күтіледі, - деп жазды синоптиктер.

ҚР шығысында, оңтүстік-шығысында және орталығында жел күшейеді, шығыста, оңтүстік-шығыста тұман түседі.

Бұған дейін алдағы үш күнде күн райы қандай болатынын жаздық.