Бүгін футболдан Қазақстан кубогы жартылай финалының қарымта кездесуі өтеді

АСТАНА. KAZINFORM - Бүгін футболдан Қазақстан кубогы жартылай финалының қарымта ойындары басталады.

Сғат 19:00-де «Ордабасы» (Шымкент) мен «Қызылжар» (Петропавл) кім мықтыны анықтайды. Алғашқы ойында қос клуб 0:0 есебіне қанағат білдірген еді.

Ал, 29 тамызда 19:00-де «Жеңіс» (Астана) пен «Тобыл» (Қостанай) ойнайды. Бірінші кездесуде қостанайлық клуб 2:1 есебімен жеңіске жеткен. 

Ширек финалда «Ордабасы» алматылық «Қайраттан» 1:0 есебімен басым түссе, «Қызылжар» семейлік «Елімайды» пенальти сериясында қапы қалдырды. Ал елордалық «Жеңіс» және «Астана» кездесуінің негізгі кезеңінде 1:1 есебімен тең түсті. Пенальти сериясында «Жеңіс» жартылай финалға жолдама алды. Осылайша ел біріншілігіндегі қос үздік ұжым «Астана» мен «Қайрат» аталған турнирден тыс қалды. Қостанайлық «Тобыл» болса сырт алаңда түркістандық «Тұранды» 2:0 есебімен тізе бүктірді. 

Биыл Қазақстан кубогына Премьер-лига, Бірінші және Екінші лигадан барлығы 30 команда қатысты. Алдымен Бірінші және Екінші лига командалары алғашқы іріктеу кезеңін өткізді. 

Олардың арасынан іркілмей шыққан екі клуб 1/8 финалда Премьер-лига командалары қатарына қосылды. 

Жеңімпаз 2026 жылы Конференция лигасының екінші іріктеу кезеңіне жолдама алады.