05:20, 20 Қаңтар 2025 | GMT +5
Бүгін Қазақстанның барлық аймағында жел күшейіп, бұрқасын соғады
АСТАНА. KAZINFORM – Қазгидромет 19 қаңтарда ел аумағында болатын қауіпті метеорологиялық құбылыстарға болжам жасады.

Ақпаратқа қарағанда, солтүстік циклон және онымен байланысты атмосфералық фронтальды бөлімдер ҚР аумағында қар мен жаңбыр түріндегі жауын-шашынның түсуіне, солтүстік-батыс, солтүстік, орталық, шығыс өңірлерде қардың түсуіне себеп болады.
- Республика бойынша желдің жаяу бұрқасынмен күшеюі, тұман мен көктайғақ күтілуде, - делінген синоптиктер болжамында.
Ұлытау облысының батысында, солтүстігінде қалың қар түседі.
Айта кетейік, кеше Алматы облысында ауа райына байланысты бірнеше жол жабылды.