Бүгін Өзбекстанда футзалдан әлем чемпионаты жалауын көтереді

АСТАНА. KAZINFORM - Бүгін, 14 қыркүйекте футзалдан Қазақстан құрамасы қатысатын әлем чемпионаты жалауын көтереді.

Жаһандық дода 14 қыркүйек пен 6 қазан аралығында Өзбекстанда өтеді. Ел құрамасы D тобында Испания, Ливия және Жаңа Зеландиямен шеберлік байқасады.

Ойындар «Qazsport» телеарнасы арқылы тікелей эфирде көрсетіледі.

Аталған сында ел намысын қорғайтын Қазақстан құрамасының тізімі белгілі болды. Атап айтқанда, Нарун Серіков, Леонардо Игита, Арнольд Кнауб, Ринат Төреғазин, Ақжол Дәрібай, Әбдірасул Әбдіманапұлы, Азат Валиуллин, Лео, Альберт Ақбалықов, Шыңғыс Есенаманов, Біржан Оразов, Дәурен Тұрсағұлов, Жахангир Рашит және Дуглас Жуниор өнер көрсетеді.

Құрамалардың топтарға бөлінісі төмендегідей:

А тобы: Өзбекстан, Нидерланд, Парагвай, Коста-Рика

В тобы: Бразилия, Куба, Хорватия, Таиланд

С тобы: Аргентина, Украина, Ауғанстан, Ангола

D тобы: Испания, Қазақстан, Жаңа Зеландия, Ливия

Е тобы: Португалия, Тәжікстан, Марокко, Панама

F тобы: Иран, Венесуэла, Франция, Гватемала

Алғашқы турдағы ойын кестесі:

14 қыркүйек

А тобы

17:30. Парагвай - Коста-Рика

20:00. Өзбекстан - Нидерланд

В тобы

15:00. Хорватия - Таиланд

17:30. Бразилия - Куба

15 қыркүйек

С тобы

17:30. Ауғанстан - Ангола

20:00. Аргентина - Украина

D тобы

15:00. Жаңа Зеландия - Ливия

17:30. Испания - Қазақстан

16 қыркүйек

E тобы

17:30. Португалия - Панама

20:00. Тәжікстан - Марокко

F тобы

17:30. Иран - Венесуэла

20:00. Гватемала - Франция

Әлем чемпионаты 1989 жылдан бері тұрақты түрде өткізіліп келеді. Қазірге дейін Бразилия - 5 (1989, 1992, 1996, 2008, 2012), Испания - 2 (2000, 2004), Аргентина - 1 (2016), Португалия - 1 (2021) мәрте жеңіс тұғырына көтерілді.

Қазақстан құрамасы әлем чемпионатының финалдық сатысында 2000, 2016, 2021 жылдарда сынға түсіп, 2021 жылы 4-орынға табан тіреді.