Бүгін «Сарыарқа» велотрегінде ірі жарыстар басталады

АСТАНА. KAZINFORM — 26–31 шілде аралығында елордадағы «Сарыарқа» велотрегінде республикалық деңгейдегі бірқатар ірі велоспорт жарыстары өтеді. Бұл туралы Спорт комитеті хабарлады.

Атап айтқанда, келесі жарыстар жоспарланған:

• VI Жастар спорттық ойындары,

• 13–14 жастағы жасөспірім ұлдар мен қыздар арасындағы Қазақстан Республикасының чемпионаты,

• Ерлер мен әйелдер арасындағы омниум бағдарламасындағы ҚР Ұлттық чемпионаты.

Бүгінгі күнге дейін жарыстарға қатысуға еліміздің әр өңірінен 236 спортшы және 15 команда ресми түрде тіркелген.

- «Сарыарқа» велотрегі алдағы күндері еліміздің ең үздік жас велошабандоздарының жарыс алаңына айналады. Көрермендер үшін жарыстар ашық әрі тегін. Ұйымдастырушылар спорт сүйер қауымды қызықты әрі тартысты додаға қатысуға шақырады, - делінген ақпаратта.

Айта кетейік, Алматының басты көшелерінің бірінде жаңа веложол салынады.