Бүкіләлемдік банк Қазақстанға ағымдағы экономикалық реформаларды жүзеге асыру үшін 1 млрд. АҚШ доллары көлемінде заём бөледі

АСТАНА. Мамырдың 26-сы. ҚазАқпарат - Бүкіләлемдік банктің атқарушы директорлар кеңесі мамырдың 25-інде қаржылық тұрақтылықты және орнықты өсімді қамтамасыз ету үшін 1 миллиард АҚШ доллары көлемінде Қазақстан Республикасына бюджеттік қолдау заёмын мақұлдады, деп хабарлады Вашингтоннан банктің баспасөз қызметі.

«Қазақстан үшін бұл бюджеттік қолдау заёмы Қазақстан Республикасының Үкіметі қолға алып отырған экономикалық саясат пен реформалардың ағымдағы бағытына Бүкіләлемдік банктің жоғары дәрежедегі сенімін дәлелдейді, - деп атап өтті Бүкіләлемдік банктің Орталық Азия бойынша аймақтық директоры Мото Кониши. - Қазақстанда Бүкіләлемдік банктен басқа да көздерден қаржы алуына мүмкіндігі болуымен қатар, бұл заём Бүкіләлемдік банктің даму саласындағы әріптес ретінде Қазақстан Үкіметіне сенімі жоғары екенін көрсетеді».