Бұралқы жануарларды ату проблеманы шеше алмайды – заңгер

АСТАНА. KAZINFORM – Бұралқы жануарларды ату проблеманы шеше алмайды. Бұл туралы «Animal Law ПЮК «KazBar» комитетінің басшысы Ольга Ченцова айтты.

«Жануарларды өлтіру биологиялық та, экономикалық та проблеманы шеше алмайды. Өйткені, жануарды өлтірген кезде-ақ оның орнына өзгесі келеді. Біздің тәжірибемізде иттер мен мысықтарды үнемі тастап кеткен кезде олар үнемі көбейе береді. «Аулау-зарарсыздандыру-ванкцинациялау-қайтару» басымдығы неде? Жануарларды піштіріп жіберген кезде олар жайында бәрі біледі және мұндай жануарларлар ешкімді қаппайды», - деді Ольга Ченцова Мәжілісте «Жануарларға жауапкершілікпен қарау туралы» Қазақстан Республикасының заңына өзгерістер мен толықтырулар енгізу туралы» заң жобасын талқылау аясында БАҚ өкілдеріне берген сұхбатында.

Осы орайда ол бұралқы жануарларды аулауға бөлінген қаражатқа қатысты статистикалық деректерді алға тартты.

«Заң қабылданғанға дейін, 2021 жылы бұралқы жануарларды атуға 1,3 млрд теңге жұмсалса, 2023 жылы оның сомасы 3,5 млрд теңгеге жетті. Бірақ, нәтиже жоқ. Бәрі олардың шабуыл жасағаны және басқалары жайлы айтады. Жұмыс бірқатар бағытта жүргізілетіндігі айтылған еді. Олар: жергілікті атқарушы органдар, ағартушылық жұмыстары, панажайларға көмек. Бірақ, мұндай жұмыс істелініп жатқан жоқ», - деді ол.

Бұған дейін депутаттардың бастамасымен «Жануарларға жауапкершілікпен қарау туралы» Заңға қандай өзгертулер мен толықтырулар енгізілмек екендігін жазған едік.