«Burkit» көркем фильмі үлкен экранға шығады

Қазақстандық арнайы жасақ туралы «Burkit» фильмі 2 қарашада көрермендерге жол тартады. Бұл туралы Алматы қаласының өңірлік коммуникациялар қызметі алаңында белгілі болды, деп хабарлайды Kazinform.

Фильм продюсері, отставкадағы полковник, арнайы жасақ ардагері, «Айбын» орденінің иегері Камал Жақсылықовтың сөзінше, картина түсіріліміне арнайы жасақ, әскери техника және авиация, сондай-ақ Ұлттық ұланның екі жүзден астам белсенді әскери қызметшілері қатысты.

«Burkit» фильмінің негізі ретінде шынайы оқиғалар алынды - бұл жедел-іздестіру іс-шаралары. Сурет экшн көріністеріне толы. Онда көптеген атыс пен апат бар.

«Фильмде актерлер тікұшақтан 3 мың метр биіктіктен парашютпен шынайы секіреді. Оңай болған жоқ. Өйткені үш басты кейіпкер бірге секірулері керек еді. Операторлар бұл кадрды түсіру үшін өздері де парашютпен секірді. Аталған кадрды алты күн түсіре алмадық, бірақ қолымыздан келді және бәрі ойдағыдай болды», - деді Камал Жақсылықов.

Фильм режиссері – Данияр Ибрагимов, операторы - Азамат Дулатов.

«Burkit» - бұл арнайы жасақтарда қызмет ететін үш достың хикаясы. Олардың күнделікті міндеті - қауіпті қылмыстық топтарға қарсы тұру. Осындай қарама-қайшылықтарға қарамай, оларға бір-біріне деген адал достыққа адалдықты сынау міндеті де тұр.

Фильмнің түсірілім жұмыстары Алматы облысының көрікті жерлерінде, Есік көлінің тауларында және Іле өзенінің бойында өткен. Басты рөлді Санжар Мәди сомдады. Сонымен қатар туындыдан Дәулет Нұразханов, Дәурен Серғазин және Асылхан Төлепов және басқа актерлерді көресіздер.

Толық метражды картина екінші қараша күні еліміздің барлық кинотеатрларында көрсетіледі деп жоспарланып отыр.