БҰҰ Бас Ассамблеясы: «2030 жылға қарай туберкулезді жеңеміз»
Туберкулез індетімен күресудің жаңа бағыттары БҰҰ Бас ассамблеясы аясында әлем көшбасшылары бекіткен Саяси декларацияға енгізілді, деп хабарлайды ҚазАқпарат Euronews арнасына сілтеме жасап.
Алдағы бес жылдық мақсаттарға адамдардың 90%-ын туберкулездің алдын алу және емдеу қызметтерімен қамту, барлық пациенттерге жәрдемақы пакеттерін ұсыну және кем дегенде бір жаңа вакцинаны лицензиялау кіреді.
Бас ассамблея президенті Деннис Фрэнсис: «Бүгін ғана мақұлданған саяси декларация тұтас қоғамның, тұтас үкіметтің көзқарасының маңыздылығын көрсетеді және 2030 жылға қарай туберкулезді жою бойынша дәлелді ұсыныстарды белгілейді», - деді.
Дүниежүзілік денсаулық сақтау ұйымының басшысы Тедрос Адханом Гебрейюс 2021 жылы туберкулез 1 миллионнан астам адамның өмірін қиғанын, оның көбі кедей елдерде екенін айтып, бұл «теңсіздік ауруы» екенін мәлім етті.
