Cадриддин Ахмедов WBC нұсқасы бойынша әлем чемпионы атанды

АСТАНА. ҚазАқпарат - Қазақстандық 20 жастағы боксшы Садриддин Ахмедов (7-0, 7КО) WBC нұсқасы бойынша жастар арасында бірінші орта салмақта әлем чемпионы атағын жеңіп алды, деп хабарлайды «SPORTINFORM».

Қазақстандық 20 жастағы нокаутердің промоутері оның мақсатын айтты. Канаданың Монреаль қаласындағы Montreal Casino ойын-сауық орталығында өткен жекпе-жекте Ахмедов Мексика боксшысы Абрахам Хуаресті (13-2, 5 КО) төртінші раундта уақытынан бұрын жеңді.

Жекпе-жек жалпы он раундқа есептелген. Осылайша, Астана тумасы кәсіпқой бокс рингінде бірде-бір рет жеңілмей келе жатыр.