Чехияның индустрия және сауда министрлігі Қазақстанды ынтымақтастық үшін ең перспективалы 12 мемлекеттің қатарына қосты

АҚТАУ. 23 қаңтар. ҚазАқпарат - Чехия Республикасының индустрия және сауда министрлігі Қазақстанды ынтымақтастық үшін ең перспективалы 12 мемлекеттің қатарына қосып, әріптестікті орнатуды жоспарлауда.

Бұл туралы форумда ҚР-дағы Чехия Республикасының Төтенше және өкілетті елшісі Бедржих Копецки мәлім етті.

«Қазақстанды перспективалы мемлекеттердің бірі ретінде санаймын. Алдағы EXPO 2017 көрмесі «жасыл» энергияны қолдануда басты қадам болып табылады», - деді ол.

Чехия Республикасы баламалы энергия көздерін қолданудан өзге атом электр стансаларын салатын болады. Сондай-ақ чехиялық компаниялар Қазақстанмен ынтымақтастық орнатуды, медицина қызметтеріне таза технологияларды тартуды және Маңғыстау облысында оңалту орталығын салуды жоспарлауда.