Чемпионатта төбелес шығарған хоккей жаттықтырушылары шеттетілді
АСТАНА. KAZINFORM — Қазақстан хоккей федерациясы «BEIBARYS» және «ARLAN» хоккейшілерінің Қазақстан чемпионатында болған төбелеске қатысты түсінік берді.
Қазір қолданылған тәртіптік жазаларға қосымша «BEIBARYS» командасының бас жаттықтырушысы Александр Высоцкийді Қазақстанның хоккей федерациясы спорттық іс-шаралары шеңберінде 1 жыл мерзімге хоккеймен байланысты кез келген қызметтен және «ARLAN» командасының бас жаттықтырушысы Дмитрий Маркеловті дисквалификациялау мерзімін қысқартпай 2025 жылғы 30 сәуірге дейін шеттету туралы шешім қабылданды.
— Дисквалификация кезінде оларға чемпионат шеңберінде кез келген сападағы спорттық іс-шаралар процесіне, сондай-ақ федерация ұйымдастыратын және өткізетін басқа да жарыстарға тікелей немесе жанама қатысуға тыйым салынды. Оның ішінде ойын алаңынан тыс периметрі бойынша қосалқы ойыншылардың орындығында, алаңдағы төрешілерге арналған төрешілер бөлмесінде, көрермендерге арналған трибунаны қоспағанда өзге де орындарда болуға рұқсат жоқ, — хабарлады Қазақстан хоккей федерациясынан.
Одан бөлек «BEIBARYS» хоккей клубының басшысы Сағындық Мекеев пен осы клубтың спорт дәрігері Сабыржан Құралбековке стендті қоспағанда, қосалқы ойыншылардың орындығында, оның ішінде периметрі бойынша ойын алаңынан тыс жерде, алаңдағы төрешілер бөлмесінде және ойын кезінде көрермендерге арналған трибунаны қоспағанда басқа орында болуға тыйым салынды. Сондай-ақ аталған тұлғалар хоккей федерациясы ұйымдастыратын басқа да жарыстарға 6 ай бойы қатыса алмайды.
Айта кетсек, қысқы Азиада-2025 ойындарында хоккейден Қазақстан ерлер құрамасы чемпион атанды.
