Чемпиондар лигасы: «Манчестер Сити» «Баварияның» осал тұсын таба ала ма

АСТАНА. ҚазАқпарат - Сәуірдің 11-нен 12-ге қараған түні UEFA Чемпиондар лигасы ширек финалында футболдан екі ойын өткізіледі, деп хабарлайды ҚазАқпарат тілшісі.

Екі ойынның бірінде «Бенфика» (Португалия) мен «Интер» (Италия) кездеседі.

Кездесу елорда уақытымен 0.50-де басталып, «Qazaqstan» телеарнасынан тікелей эфирде көрсетіледі.

Екі команда бұған дейін төрт мәрте кездесті. Оның екеуінде «Интер» жеңіске жетсе, екі кездесу тең аяқталды.

Екі команда соңғы мәрте 2008 жылы кездескен еді.

Тағы бір кездесуде «Манчестер Сити» (Англия) мен «Бавария» (Германия) командалары шеберлік байқасады.

Кездесу елорда уақытымен 0.50-де басталып, «Qazsport» телеарнасынан тікелей эфирде көрсетіледі.

Екі команда бұған дейін cегіз мәрте кездесті. Екі команда төрт-төрт мәртеден жеңіске жетті. Неміс клубы ағылшындық клубтың алаңында 2013 жылдың 2 қазанында 3:1 есебімен басым түскен еді.

Сондай-ақ, сәуірдің 11-нен 12-ге қараған түні «Милан» (Италия) мен «Наполи» (Италия), «Реал Мадрид» (Испания) мен «Челси» (Англия) командалары кездеседі.

Айта кетсек, 1/4 финал ойындары 11-12, 18-19 сәуір күндеріне белгіленген.

Ал жартылай финал 9-10, 16-17 мамыр күндері өткізіледі.

Финал 10 маусымда Түркияның Ыстанбұл қаласындағы Ататүрік атындағы Олимпиадалық стадионда болады.

Еске салсақ, бұдан бұрын футболдан Чемпиондар лигасы ширек финалының жеребесі тартылды.