COVID-2019: Алматыда тағы бірқатар үй карантинге жабылды
«Сұңқар» тұрғын үй кешенінен бөлек, Достық көшесі, 42-үй, Достық, 42А, Қабанбай батыр, 68 мекенжайындағы үйлер карантинге жабылды. Аула қоршалды. Төрт бақылау-өткізу пункті қойылды. Бір ғана D&D Market сауда орны жұмыс жасап тұр», - делінген қала тұрғындарынан БАҚ өкілдеріне жіберілген ақпаратта.
WhatsApp желісіндегі онлайн-чатта тілшілерге бұл мәліметті қала әкімінің орынбасары Ержан Бабақұмаров растады.
Айта кетейік, мұның алдында қала әкімдігі коронавирус ошақтары анықталғаны туралы ақпаратты жоққа шығарған болатын. Онда індет анықталған және тарап жатқан нақты мекенжайлар мен шағынаудандар көрсетілген еді.
Еске салсақ, кеше түнде Алматыдағы «Сұңқар» тұрғын үй кешені науқас тұрғынның анықталуына байланысты карантинге жабылды. Тұрғын үй кешенінен шығып-кіруге рұқсат жоқ. Тек 1 ғана азық-түлік дүкені жұмыс істейтін болады.