Crazy Town тобының әншісі Сет Бинзер қайтыс болды
АСТАНА. KAZINFORM — Америкалық Crazy Town рок тобының фронтмені ретінде танымал және Shifty Shellshock лақап атымен өнер көрсететін музыкант Сет Бинзер 49 жасында қайтыс болды, деп жазады РИА новости.
Бинзер 24 маусым күні өз үйінде өлі табылған.
Басылым Бинзердің ұзақ уақыт бойы нашақорлықтан зардап шеккенін және бірнеше рет оңалту курстарынан өткенін, сонымен қатар мас күйінде көлік жүргізгені және кокаин сақтағаны үшін бірнеше рет қамауға алынғанын атап өтеді.
Бинзер 1999 жылы әріптес музыкант Брет Мазурмен бірге негізін қалаған Crazy Town рок тобының фронтмені ретінде танымал болды. Топ хитке айналған және топтың The Gift of Game атты дебюттік альбомының миллионнан астам данасы сатылған «Butterfly» әнімен танымал болды. Кейіннен топ ыдырап, бірнеше рет қайта қосылды.
