Д.Мезенцев ШЫҰ форумының жеке филиалын ұлттық бірліктің қазақстандық үлгісіне арнауды ұсынды
Ол бұл бастаманы Бейжіңде өткізілген «Қазақстан халқы Ассамбеясы жылы: қоғамдық келісім мен ұлттық бірліктің қазақстандық үлгісі» тақырыбында ұйымдастырылған дөңгелек үстел барысында көтерді.
«Алдағы жылы 18 мемлекеттің өкілі тәжікстан жерінде ШЫҰ форумының 12-інші отырысына жиналады. Бұл аймақтағы қауіп-қатерлер, гуманитарлық саладағы үрдістер, сондай-ақ ұлттар мен ұлыстар арасындағы қарым-қатынастардың қандай болуы тиістігі жайлы мәселелер кейде қызу пікір-талас тудыратын ресми емес алаң.
Мен секциялардың бірінде бүгін біз айтқандай, қазіргі Қазақстанның этникааралық қарым-қатынасы аясындағы үлгісін ұсынуды ойластырып отырмын. Бұл бастама қазақстандық достар тарапынан қолдауға ие болады деп ойлаймын және ШЫҰ-ға қатысушы-елдердің бәрі де қызығушылық танытатындығына сенімдімін»,-деді ол.