Дәрігерлер ШҚО-да менингитке шалдыққан сарбаздың жағдайын айтты
АЛМАТЫ. ҚазАқпарат - Шығыс Қазақстан облысының әскери бөлімшесінде менингит инфекциясын жұқтырған сарбаз Алматыға жеткізілді, деп хабарлайды «ҚазАқпарат» ХАА тілшісі.
Ол мерзімді әскери қызметке Қарағандыдан шақырылған.
«Науқас 25 мамыр күні И.Жекенова атындағы қалалық клиникалық жұқпалы аурулар ауруханасына жатқызылды. Диагнозы: менингококты менингит, менингококцемия, ауыр түрі. Қазіргі жағдайы тұрақты ауыр. Гемодинамикалық көрсеткіштер тұрақты», - деді Денсаулық сақтау басқармасынан.
Қазір сарбаз менингококк инфекциясын диагностикалау және емдеу хаттамасына сәйкес терапия алып жатыр.
