ДЭФ негізін қалаушысына қатысты тергеу басталды

АСТАНА. KAZINFORM — Дүниежүзілік экономикалық форум (ДЭФ) өзінің негізін қалаған Клаус Швабқа қатысты тергеу басталғанын жариялады, деп хабарлайды Reuters. 

Тергеу туралы ақпаратты алғаш жариялаған The Wall Street Journal газетінің хабарлауынша, өткен аптада ДЭФ-ке ұйымның басқару жүйесі мен ішкі мәдениетіне қатысты сұрақтар туындаған анонимді хат жіберілген. Хатта, атап айтқанда, Швабтың отбасы жеке істерін тиісті бақылаусыз форум ресурстарымен араластырды деген айыптау бар.

— Форум бұл айыптауларды күрделі қабылдайды, алайда олардың әлі дәлелденбегенін және тергеу аяқталғанша қосымша түсініктеме беруден бас тартатынын атап өтті, — делінген Reuters-ке жіберілген хабарламада.

Онда айыптар туралы толық мәлімет берілген жоқ. 

The Wall Street Journal ақпаратынша, Шваб отбасының өкілі хабарлаушының хатында айтылған барлық айыптауды жоққа шығарды. Ол сондай-ақ басылымға Клаус Швабтың хат авторын және осы «жалған ақпаратты» таратқан кез келген адамды сотқа беруге ниетті екенін хабарлады.

Бұған дейін Клаус Шваб ДЭФ төрағасы қызметінен кеткенін жазған болатынбыз.