Демократтар мен республикалықтар Трампқа қарсы импичментті қолдамады

АСТАНА. KAZINFORM – Өкілдер палатасының демократтары басым дауыспен республикалықтарға қосылып, Дональд Трампқа Иранның ядролық нысандарына біржақты соққы бергені үшін импичмент жариялауды дауысқа салуға қарсы шықты, деп хабарлайды Kazinform меншікті тілшісі.

Бұл демократтардың көпшілігі Трампқа импичмент жариялау идеясының өзіне наразы екенін білдіреді, деп жазады Axios.

Конгрессмен Эл Грин (Техастан сайланған демократ) импичмент туралы қарар бойынша дауыс беруді табанды талап еткен. Құжатта Трампқа «билікті бөлу», «Конгресс құқығын Конституцияға қарсы узурпациялау арқылы америкалық демократияны авторитаризмге айналдыру» сияқты айыптар тағылған.

Құжатта Трамптың соққы жасауға Конгрестен рұқсат сұрамағаны АҚШ күштеріне төтенше қауіп төніп тұрғаны туралы ешқандай дәлелдер келтірілмегені айтылған.

Өкілдер палатасының Республикалық партиясынан Гриннің импичментін қабылдамау туралы ұсынысты 344 адам қолдап, 79 адам қарсы дауыс берген.

128 демократ Гриннің заң жобасын қайтару ұсынысы бойынша республикалықтарды қолдады. Олардың арасында Хаким Джеффрис (Нью-Йорктен сайланған демократ, өкілдер палатасындағы азшылықтар көшбасшысы) және Нэнси Пелоси (Өкілдер палатасының бұрынғы спикері, Калифорниядан сайланған демократ) бар.

Осыған дейін республикалықтар мен демократтардан бір топ адам Таяу Шығыста соғысты бастамас бұрын Конгрестің мақұлдауын талап ететін қарар бойынша дауыс беруді ұйымдастырмақ болғаны туралы хабарланды.

Осыған дейін Трамптың Иранның ядролық нысандарының толық жойылатынын мәлімдегені туралы жаздық.