Денсаулық сақтау саласында ауқымды жұмыстар атқарылды

деп хабарлайды ҚазАқпарат тілшісі.
Биылғы жылы сала бюджеті 2009 жылы 17,3 млрд. теңгені құраған. Басқару жүйесін жеңілдету мақсатында қолға алынған бірқатар шаралар жемісін берді. Барлық аудандарда телемедицина жүйесі орнатылды. Сыр өңірі үшін осы уақытқа дейін өзектілігін жоймай келе жатқан ана мен бала денсаулығының күрделі мәселелерін шешуде бірқатар жұмыстар атқарылды. Балалар мен босану стационарлары 56 акушер-гинеколог, неонатолог мамандармен толықты.
Өткен жыл денсаулық сақтау мекемелерінің ғимараттарын жаңартуда жемісті кезең болды. Бұл мақсатқа республикалық бюджеттен 1692 млн. теңге, жергілікті бюджеттен 724 млн. теңге бөлінді. Қазіргі таңда 9 дәрігерлік амбулатория, 22 медициналық бекет жұмыс істеп тұр. Қызылорда қаласындағы №5 емханаға қосымша ғимарат салынды. Оған қоса, 200 төсектік перинаталдық орталық пен 500 қаралушыға арналған емхана құрылысы алдағы жылы пайдалануға берілмек. Байқоңыр қаласындағы 80 төсектік перзентхана іске қосылуға жақын. Оған қоса, «Жол картасы» бағдарламасы аясында аймақтағы 11 емдеу алдын алу мекемесіне күрделі, 33 мекемеге ағымдағы жөндеу жұмыстары жүргізілді. Мамандарды ауылдық жерлерге жұмысқа тартудың Елбасы ұсынған, облыс әкімдігі қуаттаған жаңа әдісі өз тиімділігін дәлелдеді.