Димаш Құдайберген «Mейкин Азия» фестиваліне қатысу үшін Қырғызстанға барды

АСТАНА. KAZINFORM – Қазақстанның халық әртісі Димаш Құдайберген «Mейкин Азия» IV Халықаралық музыка фестиваліне қатысу үшін Чолпон-Ата қаласына барды, деп хабарлайды Кabar ақпарат агенттігі.

ТҮРКСОЙ Бас хатшысы Сұлтан Раевтың хабарлауынша, 2013 жылы дәл осы фестивальде Димаш бірінші маусымның Гран-при жүлдесін жеңіп алған. Арада 12 жыл өтті, ол өзінің жұлдызы алғаш жанған жерге қайта оралады.

Бұған дейін 20-22 шілде аралығында Қырғызстанның Чолпон-Ата қаласында «Мейкин Азия» IV халықаралық орындаушылар фестивалі өтетінін жазған болатынбыз. 

Димаш Құдайберген 22 шілде күні көрермендерді өнерімен қуантады.