Димаштың америкалық жанкүйері әншінің отанына мұхит асып келді

None
None
АСТАНА. ҚазАқпарат - АҚШ тұрғыны өз сүйікті әншісінің туған жерін көру үшін Астанаға келді, деп хабарлайды astanaexpo.tv.

Патрис Груллион Лос-Анжелестен келген. Оның айтуынша, Димаш әр концертінің соңында: «Қазақстанға қош келдіңіздер!» дейді және белгілі әншінің бұл  сөздері жанкүйерінің Қазақстанға келуіне шешім қабылдатқан.

Ол Қазақстанда үш ай болмақшы. Осы уақыт аралығында қазақ тілін меңгеріп, еліміздің мәдениеті және салт-дәстүрімен танысуды жоспарлап отыр.  Димаштың жанкүйері ол оқитын университетте болып та үлгерген. Енді Алматыдағы оның концерті мен сүйікті әншісінің туып-өскен жерін көру үшін Ақтөбе қаласына аттанады.

Патрис бұған дейін ешбір жанкүйерлер клубына мүше болып көрмегендігін айтты. Қазір ол «Димаш USA» және Лос-Анжелестегі «Димаш Құдайберген» фан-клубтарының мүшесі.

«Мен қазақстандықтардың Димаштың әлемге қалай әсер еткенін түсінгенін қалаймын. Ол әртүрлі мәдениеттер мен елдерді, әртүрлі жастағы және түрлі деңгейдегі  адамдарды байланыстырды. Біз барлығымыз туысқандар сияқты араласып кеттік», - дейді Патрис. 

Соңғы жаңалықтар