15:59, 01 Қыркүйек 2014 | GMT +5
Діни араздықты қоздырғаны үшін сотталды
ОРАЛ. ҚазАқпарат - Орал қалалық сотының үкімімен Тимур Болатұлы діни араздықты қоздырғаны және экстремизмді насихаттағаны үшін жалпы режимдегі түзету колониясында жазасын өтеуге 3 жыл 6 айға бас бостандығынан айырылды.

БҚО прокуратурасының баспасөз қызметінен түскен мәліметке қарағанда, Т.Болатұлы 2012 жылдың тамызы мен 2013 жылдың қазаны аралығында өзінің жақын туыстары мен тамыр-таныстары арасында радикалды діни ағымдарды таратқан. Жүргізілген сараптамалар Т.Болатұлының сөзінде құқық қорғау органдарының қудалауынан сескеніп, конспирациялық өмір салтын енгізу қажеттігі туралы түсіндірулер, сондай-ақ терроризм мен экстремизмді насихаттау белгілері бар екенін көрсетті. Оған ҚР ҚК 164-бабы 1-бөлігі және 233-1 бабының 1-бөлігі бойынша айып тағылған болатын.
Сот үкімі шағым түсуіне байланысты заңды күшіне енген жоқ.