Дмитрий Попко АҚШ-тағы жарыстың жартылай финалына жолдама алды

 АСТАНА. KAZINFORM – Қазақстандық, әлемнің 325-ракеткасы Дмитрий Попко Наплес (АҚШ) ITF турнирінің жартылай финалына жолдама алды.

Қазақстандық теннисші ширек финалда әлемнің 495-ракеткасы, румыниялық Габи Адриан Бойтанмен шеберлік байқасты.

Бірінші партияда Д. Попко 7:5 есебімен Г.Бойтанның мысын басты.

Екінші сетте тай-брейкте жеңісті жұлып алды — 7:6 (7:4).

Тартысты бәсеке екі сағаттан астам уақытқа созылды.

Дмитрий Попко финалға шығу үшін әлемдік рейтингіде 442-орында тұрған доминикандық Роберто Сидпен таласады.

Осыған дейін қазақстандық спортшы Флорида штатында қос бірдей жарыста жеңімпаз атанған еді.

Еске сала кетейік, бұдан бұрын қазақстандық теннисшінің АҚШ-тағы турнирдің ширек финалына өткенін жазған болатынбыз.