Дмитрий Попко Португалияда негізгі жарысқа шықты

АСТАНА. KAZINFORM – Қазақстандық, әлемнің 223-ракеткасы Дмитрий Попко Оэйраш (Португалия) челленджер турниріне өтті. 

Дмитрий Попко іріктеу сайыстарының финалында әлемнің 285-ракеткасы, литвалық Вилиус Гаубаспен шеберлік байқасты.

Қазақстандық теннисші литвалық спортшыны 6:2, 6:3 есебімен ұтты.

Сағат жарымнан астам уақытқа созылған бәсеке барысында Попко 1 эйспен бірге 8 брейк-пойнттың үшеуін мүлт жіберген жоқ. Гаубас 2 эйспен ғана шектелді.

Осылайша, негізгі жарысқа жолдама алған Дмитрий Попконың келесі қарсыласы – әлемнің 182-ракеткасы, Бразилия өкілі Густаво Хейде.

Сонымен қатар Оэйраш челленджер додасының алғашқы айналымында әлемнің 174-ракеткасы Бейбіт Жұқаев рейтингіде 282-орындағы бельгиялық Готье Онклинмен, Денис Евсеев (№177) аустриялық Лукас Ноймайермен (№211) ойнайды.

Еске сала кетейік, бұдан бұрын қазақстандық теннисшілердің Тунис пен Португалиядағы жарысты сәтті бастағанын жазған болатынбыз.

Сондай-ақ Шымкент қаласында жасөспірімдер әлем чемпионатына іріктеу турнирі басталды.

Тимофей Скатов Тунисте негізгі турнирге жолдама алды.