Допты хоккей: «Ақжайық» қатарынан 14 матчта жеңіске жетті

ОРАЛ. KAZINFORM – Допты хоккейден жоғары лига командалары арасында бүкілресейлік жарыста ойнайтын Оралдың «Ақжайығы» өз айдынында «Маякпен» (Краснотурьинск) екінші кездесуін өткізді.

Допты хоккей
Фото: instagram.com/ sc_akzhayik_07

Кеше қарсыласын 10:2 есебімен ұтқан оралдықтар бүгін де шеберлігінің басым екендігін таныта білді.

Бұл жолы Николай Шавалдиннің шәкірттері 5:1 есебімен «Маяктың» мысын басты. 

«Ақжайықтан» Максим Пахомов қос голдың авторы атанса, Ершат Амангелдиев, Рауан Исалиев, Максим Өтебалиев бір-бірден көзге түсті.
«Маяктан» Артем Самойлов жалғыз доппен жауап қайырды.

Осылайша, қатарынан 14 матчта жеңіске жеткен батысқазақстандық клуб екінші топта 51 ұпаймен көш бастады.

«Ақжайық» өз айдынындағы соңғы кездесулерін 7-8 ақпанда «Знамя-Удмуртия» (Воткинск) командасымен өткізеді. 

Еске сала кетейік, бұдан бұрын допты хоккейден «Ақжайықтың» ресейлік командадан ірі есеппен есе қайырғанын жазған едік.

Соңғы жаңалықтар