Допты хоккей: «Ақжайық» көш басындағы командаға есе жіберді

ОРАЛ. KAZINFORM - Ресейдің Кемерово қаласында допты хоккейден жоғары лига командалары арасында бүкілресейлік жарыстың финалдық турнирі өтіп жатыр.

Оралдың «Ақжайығы» А тобындағы соңғы кездесуін «Кузбасс-2» (Кемерово) командасымен өткізді.

Ойын айдын иелерінің басымдылығымен өтті - 6:1.

«Ақжайықтан» жалғыз голды команда капитаны Максим Өтебалиев соқты.

Осылайша, өз тобында «Кузбасс-2» командасы 15 ұпаймен көш бастаса, оралдықтар бесінші орынды қанағат тұтты.

«Ақжайық» енді 30 наурызда 9-орын үшін «Зорький» командасымен таласады.

Еске сала кетейік, бұдан бұрын финалдық турнирде «Ақжайықтың» алғашқы жеңісіне қол жеткізгенін жазған болатынбыз.