Допты хоккейден «Ақжайық» алғаш рет жеңіліс тапты

ОРАЛ. KAZINFORM - Допты хоккейден жоғары лига командалары арасында бүкілресейлік жарыста Оралдың «Ақжайығы» Краснотурьинскіде жергілікті «Маякпен» өткізді.

Кеше оралдықтар тартысты матчта 4:3 есебімен ұтқан еді.

Бұл жолы айдын иелері 10:4 есебімен жеңіске жетті.

«Ақжайық» сапынан команда капитаны Максим Өтебалиев 1, ресейлік шабуылшы Максим Пахомов 3 голдың авторы атанды.

Николай Шавалдиннің шәкірттері сырт айдында төрт ойын өткізсе, соның үшеуінде қарсыластарын тізе бүктірді.

«Ақжайық» енді Оралға оралып, 20-21 желтоқсанда «Никельчик» (Верхний Уфалей) клубын қабылдайды.

Еске сала кетейік, бұдан бұрын допты хоккейден «Ақжайықтың» көш басындағы команданы ұтқанын жазған болатынбыз.