Допты хоккей: Оралдың «Ақжайығы» қарсыласын тағы да ірі есеппен ұтты

ОРАЛ. ҚазАқпарат - Допты хоккейден «Жоғары лига» бүкілресейлік жарысының екінші тобында ойнайтын Оралдың «Ақжайығы» кеше Краснотурьинскінің «Маяк» командасын қабылдап, 7:2 есебімен жеңіске жетті.
None
None

Бұл кездесуде «Ақжайық» құрамында өнер көрсететін ресейлік хоккейшілер Максим Пьянов бес, Сергей Башаев екі доп соғып, мергендік танытты. Сөйтіп С.Башаев осы маусымда соққан гол санын 32-ге, М.Пьянов 20-ға жеткізді.

Мұның алдында оралдықтар өз айдынында Воткинскінің «Знамя-Удмуртия» командасын екі мәрте ірі есеппен ұтқан болатын.

Кешегі ойында 9 қаңтар күні Саратовта жергілікті «Универсалмен» өткен матчта жарақат алып, допты хоккейден әлем чемпионатына қатыса алмай қалған Қазақстан құрамасының мүшесі, «Ақжайықтың» капитаны Ескендір Нұғмановтың айдынға қайтадан шыққанын айта кетейік.

Бүгін аталған командалар екінші кездесуін өткізеді.

Екінші топта 25 ойыннан кейін 32 ұпай жинаған «Ақжайық» алтыншы орында келеді.

Соңғы жаңалықтар