Дулат Бекбауов тәжікстандық боксшыны жеңіп, финалға шықты

АСТАНА. KAZINFORM - Таиланд корольдігінің Чиангмай қаласында бокстан ерлер және әйелдер арасында өтіп жатқан Азия чемпионатында қазақстандық Дулат Бекбауов жартылай финалда сүрінбеді.

Дулат Бекбауов тәжікстандық боксшыны жеңіп, финалға шықты
Фото: Спортты дамыту дирекциясы

Әлем және Азия чемпионатының күміс жүлдегері Д.Бекбауов 67 келіге дейінгі салмақта тәжікстандық Шукрат Саломатовтың мысын басты.

Үш раунд ширақ қимылдаған Дулат қарсыласының алдын орап кетіп отырды. Бірінші раундта 5:0, екінші және үшінші кезеңде 4:1 есебі тіркелгенімен, жекпе-жек қорытындысында төрешілер жеңісті түгелдей Дулатқа берді.

Осылайша, Дулат Бекбауов Қазақстан ерлер құрамасынан төртінші болып финалға шықты.

Еске сала кетейік, бұдан бұрын Оразбек Асылқұловтың финалға өткенін жазған болатынбыз.

Соңғы жаңалықтар