Дүниежүзілік көшпенділер ойындары кезінде елордалық медициналық ұйымдар қалай жұмыс істейді

АСТАНА. KAZINFORM - Жарыс күндері қалалық емханалар мен ауруханалар штаттық режимде жұмыс істейді және қажетті медициналық көмек көрсетуге дайын болады. Бұл туралы елорда әкімдігінің баспасөз қызметі хабарлайды. 

"Резервтік бейінді палаталарды бөліп, шұғыл медициналық көмек көрсетуге толық дайындық қамтамасыз етілді.

103 қызметі диспетчерлер мен жедел жәрдем бригадаларының үздіксіз жұмысын жалғастыруда. Өтініштер мен қоңырауларды қабылдау 24/7 жүзеге асырылады.

Елордалық стационарлар әдеттегідей белсенділігін төмендетпей, тәулік бойы жұмыс істейді" делінген хабарламада.

Айта кетейік, бұған дейін елордада «Көшпенділер әлемі» этноауылы ашылғаны туралы жазған едік.