Дуров Францияда не үшін айыпталып жатқанын түсінбейді

АСТАНА. KAZINFORM – Telegram негізін қалаушы Павел Дуров Франция билігінің оны не үшін айыптап отырғанын түсіне алмайтынын мәлімдеді, деп хабарлайды ТАСС ақпарат агенттігі. 

- Маған өзімді нақты не үшін айыптап жатқаны әлі түсініксіз. Бастапқыда олар біз заңды талаптарға жауап бермедік дегенді айтқан, бірақ олай емес. Тіпті егер олай болса да, «қатысуды» осылай түсіндіру өте алыс. Заңгерлер прецедент жоқтың қасы дейді, - деп мәлімдеді Дуров америкалық журналист Такер Карлсонға берген сұхбатында.

Ол бұрын Францияда «қылмыскерлер үшін арнайы жасалған, банктік шоттары жоқ, аудитсіз шағын қосымшалар қудаланғанын» атап өтті.

- Telegram – мүлдем басқа деңгей: миллиард пайдаланушы, аудиторлық тексеріс, ашықтық, - деп қосты ол.

Павел Дуров тағылған айыптардың қисынсыздығын атап өтті.

- Олар (Франция билігі – ред.) Telegram-ның миллиардтаған пайдаланушыларының арасында заңсыз әрекеттермен айналысатындар бар екенін, ал мен мұның алдын алу үшін жеткілікті әрекет жасаған жоқпын деп айтады. Бірақ бұл қисынсыз. Бұл Дональд Трампты (АҚШ президенті) 350 млн америкалық азаматтың бірі қылмыс жасағаны үшін тұтқындаумен бірдей немесе Макронды (Франция президенті Эмманюэль) Тулузадағы тонау үшін түрмеге жабу. Бұл абсурд, - деп атап өтті Telegram негізін қалаушы.

Сонымен бірге Дуров елден шығуға шектеу қойылғанына байланысты әлі Францияда жүргенін хабарлады.

- Тергеу жүріп және сен күдіктілердің бірі болғандықтан елден еркін шыға алмайсың. Мен Дубайда босатылдым, жақында оралдым, осы аптада тағы барамын. Бірақ бұл өте шектеулі, бақыланатын процесс, - деді ол.

Еске сала кетсек, Ресейден шыққан миллиардер, Telegram негізін қалаушы Павел Дуров 2024 жылдың тамызында Францияда ұсталды.

Париж прокуратурасы Павел Дуровқа тағылуы мүмкін 12 айыпты тізіп айтқан, оның ішінде құзырлы органдарға ақпарат беруден бас тарту, алаяқтық пен есірткі сатуға қатысының болуы, балалардың порнографиялық видеоларын сақтауға, киберқылмыстарға, ақша жылыстатуға қатысуы және т. б. бар.