Дуров Луврдан ұрланған зергерлік бұйымдарды қайтарып алуға дайын
АСТАНА. KAZINFORM — Telegram негізін қалаушы Павел Дуров Париждегі Луврда болған тонауға қатысты пікірін білдіріп, мұны «бір кездері ұлы елдің құлдырауының қайғылы белгісі» деп атады.
— Луврдағы тонау мені мүлде таңғалдырған жоқ. Бұл бір кездері ұлы елдің құлдырауының тағы бір қайғылы белгісі, ондағы үкімет шынайы қауіптерге бетпе-бет келудің орнына ойдан шығарылған қауіп-қатер арқылы адамдарды алаңдату өнерін жетілдірді, — деп жазды Дуров Х әлеуметтік желісіндегі жазбасында.
Not at all surprised by the Louvre heist. It’s another sad sign of the decline of a once great country — where the government has perfected the art of distracting people with phantom threats instead of confronting the real ones.
— Pavel Durov (@durov) October 20, 2025
Кейінірек ол ұрланған құнды заттарды қуана сатып алып, Луврға сыйға беретінін қосып өтті.
— Мен, әрине, Әбу-Даби Лувры туралы айтып отырмын. Әбу-Даби Луврынан ешкім оны ұрламайды, — деді Дуров.
Not at all surprised by the Louvre heist. It’s another sad sign of the decline of a once great country — where the government has perfected the art of distracting people with phantom threats instead of confronting the real ones.
— Pavel Durov (@durov) October 20, 2025
Бұған дейін Париждегі Луврға ұры түскенін жазған едік.
Франция президенті Эмманюэль Макрон Луврдағы зергерлік бұйымдардың ұрлануына қатысты жауап беріп, олардың қайтарылып, кінәлілер жауапқа тартылатынын айтты.
Атышулы істі тергеу қалай жүріп жатқанын мына материалдан оқи аласыз.
