Душанбеде түнгі клубтардың бірінде жарылыс болды

АСТАНА. Қыркүйектің 6-сы. ҚазАқпарат - Тәжікстанның астанасы Душанбеде дүйсенбі күнге қараған түні түнгі клубтардың бірінде жарылыс болып, соның салдарынан бес адам жараланды, деп хабарлайды Вести.Ru.

Тергеу амалдарын Мемлекеттік Ұлттық қауіпсіздік комитеті жүргізуде, деп хабарлады ИТАР-ТАСС-қа жергілікті күш құрылымдарындағы ақпарат көзі. Оның айтуынша, би залындағы үстелдердің бірінің астынан күші бәсең жарылғыш зат жарылған. Жараланған бес адамның екеуінің жағдайы нашар. Жарылыс себептері анықталуда.