Джефф Безостің үйлену тойы: Венециядағы сән-салтанат, наразылық және жұлдыздар
АСТАНА. KAZINFORM — Ғаламшардағы ең дәулетті адамдардың бірі, «Amazon» компаниясының негізін қалаушы Джефф Безос тілші әрі тележүргізуші Лорен Санческе ресми түрде үйленеді, деп хабарлайды Kazinform тілшісі.
Үйлену тойы көптеген еуропалық және шетелдік БАҚ назарын аударды. Негізгі шаралар Сан-Джорджо-Маджоре аралында өтеді. Қонақтар арасында ондаған атақты адам, соның ішінде Ким Кардашьян, Леонардо Ди Каприо, Опра Уинфри, Билл Гейтс, Мик Джаггер, Орландо Блум, Иванка Трамп, Джаред Кушнер, Дайан фон Фюрстенберг болды.
Тойды ұйымдастыруды Венецияның имиджін сақтауға шығармашылық көңіл бөлетін әйгілі итальяндық үйлену тойын жоспарлаушылар «Lanza & Baucina» басқарып отыр.
Алайда итальяндық қалада қонақтар мен тойдың өзіне бәрі бірдей риза емес. Ұйымдастырушылар Венеция және оның жергілікті тұрғындарына құрметпен қараймыз деп сендіргенімен, наразылық білдірушілер жас жұбайлар мен олардың 200 қонағы жыл сайын онсыз да 30 млн-ға жуық туристі қабылдайтын қалада керексіз екеніне шағымданып отыр.
Сейсенбі күні «No Space for Bezos» (Безосқа орын жоқ) наразылық тобы құрылып, сейсенбі күні жеңіске жеткенін мәлімдеп, тараптардың бірі қала орталығының сыртындағы Арсеналдағы орынға көшірілетінін алға тартты.
Кезінде Еуропадағы ең ірі кеме жасау орындарының бірі болған Арсенал жаңғыртылып, Венеция биенналесі сияқты іс-шаралар өткізілетін орынға айналды.
Жас жұбайлардың қарсыластары сондай-ақ қалада «No Space for Bezos» деген ұран жазылған баннерлер таратты.
Бірақ Венето аймағының президенті Лука Дзайя Безос пен Санчес Венеция лагунасында жұмыс істейтін халықаралық зерттеу тобы Corila консорциумына 1 млн еуро көлемінде қаржылық қолдау беретінін жариялады. Оның айтуынша, бұл судағы қалаға деген «махаббат пен жауапкершіліктің» белгісі.
Дегенмен, Венеция мэрінің батасымен миллиондаған долларды құрайтын шара өтетін болып, шақырылған VIP-қонақтар келе бастады.
Италияға қонақтарды 90-ға жуық жеке ұшақ жеткізді, ал құны 500 млн долларлық «Koru» суперяхтасы үйлену тойлары үшін қалқымалы база болады.
Жас жұбайлар үйлену тойына қажетті өнімдердің 80 пайызын жергілікті жеткізушілерден сатып алып отыр, соның ішінде Венецияның ең көне наубайханасы Rosa Salva-ның кондитерлік өнімдері бар. Оның иелері CNN-ге «шамамен 200 пакет тәтті тағам» жасау тапсырылғанын баяндады.
Mурано шынысынан жасалған бұйымдардың дизайнері «Лагуна Б» мерекелік сауық кештеріне арнайы кәдесыйлар жасайтынын растады. Компания басқа мәліметтермен бөлісуден бас тартты.
Бұл ретте БАҚ Джефф Безос Лоренге 2023 жылдың мамыр айында Францияда 2,5-5 млн АҚШ доллары аралығындағы салмағы 20-30 карат қызғылт гауһар тасты сақина сыйлап, ұсыныс жасағанын еске алады.
Дәстүрге сәйкес, қалыңдық Санчестің той көйлегі мен оның дизайнері туралы егжей-тегжейлерді жасырады. Бірақ оған жақын адамдар қалыңдықтың үнемі «Dolce & Gabbana» киім үлгілерін таңдап жүретінін біледі. Тағы бір үміткер Oscar de la Renta болуы мүмкін.
Сондай-ақ қаладағы 280 люкс су таксиінің 30-ға жуығы резервке қойылған деп саналып отыр. Бір такси жүргізушісі маусымның 25-і мен 30-ы аралығында «үлкен тойға» тапсырыс берілгенін хабарлады, бірақ қосымша мәлімет беруден бас тартты. Гондолалар да тоқтатылды, ал қалалық гондолалар қауымдастығы шараға дайын екенін растады.
Қаладағы тоғыз яхта порты басты оқиғаға дейін бір апта бұрын брондалған. Венецияның әуе кеңістігі ұшқышсыз басқарылатын аппараттар мен рұқсат етілмеген қозғалыс үшін жабық, бірақ бір дереккөз CNN-ге жеке тікұшақтарға, әсіресе мемлекет басшылары сияқты ерекше қауіпсіздікті қажет ететіндерге рұқсат берілгенін хабарлады.
Жеке ұшақтар да ұшып-қонатын Марко Поло әуежайында жеке су таксилеріне тікелей қатынайтын оқшауланған аймақ бар, бұл жұлдыздардың қалаға байқалмай өтуін жеңілдетеді.
Бейсенбі күні кешке Мадонна дел'Орто шіркеуінің айналасында жаяу жүргіншілер қозғалысына тыйым салынады, мұнда ашық аспан астындағы алғашқы мерекелер өтуі мүмкін.
Бір қызығы, жұлдызды жұп той сыйлықтарынан бас тартты. Оның орнына қонақтарды «Венецияның мәдени мұрасын сақтау» және «экологиялық бастамалар» жобаларына қайырымдылық жасау ұсынылған.
