ЕАЭО, АСЕАН, БРИКС, ЕО ШЫҰ-ның сенімді серіктесі бола алады - ҚР Президенті
"Менің сенімімше, ШЫҰ ең тиімді, беделді халықаралық бірлестіктердің бірі саналады. Жас ұйым бола отырып ол өз дамуында айтарлықтай табысқа жетті және сол арқылы бүкіл халықаралық қоғамдастықтың назарын өзіне аударды. Бізге ШЫҰ-ның әлеуетін қолдап, нығайта түсу қажет. Мәселен, ШЫҰ үшін стратегиялық ұзақмерзімді тату көршілік, достық және ынтымақтасты туралы шарт аясында 2019-2022 жылдарға арналған іс-қимыл жоспарын жүзеге асыру керек", - деді Қ.Тоқаев.
Мемлекет басшысы Еуразияның негізгі көпжақты құрылымдарымен толық форматты қарым-қатынасты кеңейту қажеттігіне назар аударды. Осы ретте Қазақстанның Тұңғыш Президенті Нұрсұлтан Назарбаевтың ірі өңірлік бірлестіктермен және Еуропа мен Азияның жобаларымен серіктестік қатынастар орнату туралы бастамасы назар аударуға тұрарлық екендігін баса айтты.
"Блоктың дүниені қабылдау стереотиптерін еңсеру, ынтымақтастықтың ашықтық пен тең құқылық негіздерін нығайту айрықша маңызды бола түсуде. Мәселен, Еуразиялық экономикалық одақ, сонымен қатар АСЕАН,БРИКС және Еуропалық одақ ШЫҰ-ның сенімді серіктесі бола алады", - деді ҚР Президенті.