ЕАЭО елдерінде көліктерде 1 қаңтардан бастап «дабыл нүктесі» болуы міндеттеледі

АСТАНА. ҚазАқпарат - 2017 жылғы 1 қаңтардан бастап Еуразиялық экономикалық одақтың «Дөңгелекті көлік құралдарының қауіпсіздігі туралы» техникалық регламентіне сәйкес одақ елдерінде көліктер шұғыл жедел қызметті шақырту құрылғысымен міндетті жарақталу талабы күшіне енеді.

Әңгіме ЕАЭО-ға шығарылатын көліктер жайында. Талап жаңа норма күшіне енгенге дейін пайдаланылған көліктерге қолданылмайды, деп хабарлады баспасөз қызметінде.

«Мұндай  қондырғыны міндетті орнату ЕЭК  Одақ мемлекеттерімен бірлесіп   қауіпсіздікті одан әрі арттыру бойынша жүргізген жұмысының маңызды кезеңі болып табылады», - деп хабарлады ЕЭК техникалық реттеу бойынша Алқа мүшесі Валерий Корешков.

Апат болған жағдайда көлікте жабдық автоматты не «дабыл нүктесін» басқанда тиісті қызметті хабардар етеді. Дабылды естіген қызмет жедел түрде бригада (оның ішінде медициналық) жібереді. Зардап шеккен адамның аман қалуына мүмкіндік беретін «алтын сағат» қағидаты сақталады. Одақ елдерінде шұғыл қызметтер шақырту жүйесін құрудың  басты мақсаты медициналық көмек көрсету, адам өмірін сақтап қалу болып табылады.