ЕАЭО Іскерлік кеңесі «Бизнес-диалог» алаңын алмастырады - ҰКП төрағасының орынбасары Р.Ошақбаев
«ЕАЭО Іскерлік кеңесі қазіргі кезде жұмыс істеп тұрған, Қазақстан, Беларусь және Ресейдің ірі бизнес-қауымдастықтарын біріктіретін «Бизнес-диалог» алаңын алмастырады. Оған одаққа енетін жаңа мүшелер де енетін болады. Бұл кеңестің бізге берері мол - біз барлық бес мемлекеттің бизнес-қауымдастықтарымен тікелей байланысқа шығып, олармен бірлесе отырып жұмыс жасауға мүмкіндік аламыз», - деп атап өтті Р.Ошақбаев.
Оның айтуынша, ЕАЭО мүшелері белгілі бір салаларда объективті түрде бәсекелес бола алады, дегенмен, сонымен қатар, олардың мүдделерінің көп бөлігі ортақ болмақ.
Р.Ошақбаевтың атап өтуінше, ЕАЭО Іскерлік кеңесін құру туралы Келісімнің айтарлықтай маңызды жаңалығы мүшелердің жыл сайынғы бас қосып тұруы болмақ.
Айта кетейік, Іскерлік кеңес Қазақстан, Ресей, Беларусь, Армения және Қырғызстанның ірі бизнес-қауымдастықтарының шешімімен бүгін құрылды.