ЕАЭО трансшекаралық электрондық сауда үшін жаңа ереже енгізеді: не өзгереді

АСТАНА. KAZINFORM –  Өзгерістер трансшекаралық электрондық сауданы кешенді реттеуге бағытталған және одаққа қатысушы барлық елде ратификациялау рәсімдері аяқталғаннан кейін күшіне енеді.

2023 жылғы желтоқсанда Еуразиялық экономикалық одаққа (ЕАЭО) мүше мемлекеттердің басшылары ЕАЭО Кеден кодексі туралы шартқа өзгерістер енгізу туралы хаттамаға қол қойды. Бұл өзгерістер трансшекаралық электрондық сауданы кешенді реттеуге бағытталған және одаққа қатысушы барлық елде ратификациялау рәсімдері аяқталғаннан кейін күшіне енеді.

Сатып алушылар үшін не өзгереді:

Тауарлардың жаңа санаты: шетелдік интернет-алаңдарда жеке тұлғалармен сатып алынған тауарлар «электрондық сауда тауарлары» жеке санатына бөлінетін болады.

Электрондық сауда операторының енгізу: тізілімде тіркелген және жеке тұлғалардың атынан осындай тауарларды декларациялауды жүзеге асыратын заңды тұлға — электрондық сауда операторының институты пайда болады.

Жаңа кедендік декларация: электрондық сауда тауарлары үшін арнайы кедендік декларацияның жаңа түрі енгізіледі.

Баждың бірыңғай ставкасы: электрондық сауда тауарлары үшін тауарлар құнының 5% мөлшерінде кедендік баждың бірыңғай ставкасы белгіленетін болады. Бұл ретте құны 200 еуро бажсыз әкелу нормасынан аспайтын тауарларға мұндай баж салынбайтын болады.

Жеткізудің екі әдісі:

Тікелей жеткізу: тауарлар электрондық сауда операторы арқылы тікелей шетелдік сатушыдан сатып алушыға жеткізіледі.

Оператордың қоймасы «бонд қоймасы» арқылы: Сатып алушы еліндегі электрондық сауда операторының қоймасынан жіберу, бұл тапсырысты рәсімдегеннен кейін жеткізуді жеделдетуге мүмкіндік береді.

Өз кезегінде Еуразиялық экономикалық комиссия өз өкілеттіктерін іске асыру мақсатында тиісті актілер қабылдайды, олар ЕАЭО Кеден кодексі туралы шартқа түзетулермен бір мезгілде күшіне енуі тиіс.

Бұл ретте ЕАЭО Кеден кодексі туралы шартқа өзгерістер мен толықтырулар енгізу туралы хаттама және Комиссия актілері ЕАЭО-ға мүше барлық мемлекет осы Хаттаманы ратификациялау жөніндегі мемлекетішілік рәсімдерді өткізгеннен кейін күшіне енеді. 

Айта кетелік ЕАЭО елдерінің кедендік баж үлесін есептеудің жаңа әдістемесі енгізілуі мүмкін екенін жазған едік.