ЕЭК Кеңесі ЖЕЭК-ның кезекті мәжілісінің күн тәртібін талқылады

МӘСКЕУ. ҚазАқпарат - ҚР Премьер-Министрінің бірінші орынбасары Асқар Мамин Мәскеуде өткен Еуразиялық экономикалық комиссия кеңесінің (ЕЭК) мәжілісіне қатысты. Мәжіліс барысында Еуразиялық экономикалық одақты (ЕАЭО) дамытудың өзекті мәселелері талқыланды. Соның ішінде желтоқсанның 26-сы күні Санкт-Петербургте мемлекет басшыларының деңгейінде өтетін Жоғары Еуразиялық экономикалық кеңестің (ЖЕЭК) күн тәртібі де сөз болды.

Айтап айтқанда, қазақстандықтар тарапынан көтерілген Қазақстанның аумағына жеткізілетін ванадий-алюминий лигатурасына тарифтік жеңілдік беру мәселесі мақұлданды. Бұл шара өз кезегінде өндірілетін өнімнің өзіндік құнын төмендету үшін қажетті шарттарды қалыптастырып, аталған өнім түрін шығаратын отандық өнім өндірушілердің әлемдік нарықтағы бәсекеге қабілеттілігін арттырады.

Сонымен қатар, ЕЭК Кеңесінің мүшелері Өнеркәсіп кооперациясы мен субконтракцияның еуразиялық желісін қалыптастырудың Тұжырымдамасын бекітті. Тұжырымдама талаптары бойынша субкелісімді тапсырыстарды жеткізетін әлеуетті серіктестерді іздестіретін шешуші ақпараттық және интеграциялық ресурс ретінде ұйымға мүше елдердің бірыңғай деректер реестрлер базасында еуразиялық желі қалыптастыру көзделген.

Мәжіліске қатысушылар ЕАЭК-ке мүше мемлекеттердің Одақтың кедендік аймағына кіргізілетін тауарларына қатысты ақпараттарды ЕЭК-на жеткізіп отыру тәртібін қарады. Мұндай ынтымақтастық стастикалық мәліметтерге деген қолжетімділікті қамтамасыз етіп, «бестікке» мүше елдердің өнім өндірушілерінің мүдделерін ескеруге қатысты шараларды дер кезінде қабылдағуа ықпал етеді.