Эгей теңізінде улы күлгін медузалар көбейіп кеткен
АСТАНА. KAZINFORM — Грекияның биоалуантүрлілікті бақылау обсерваториясы Эгей теңізінде улы күлгін медузалар санының айтарлықтай артқанын хабарлады, деп хабарлайды Анадолы.
Pelagia noctiluca медузасы Эгрибоз (Эвия) аралының солтүстік-батыс бөлігінде және Волос қаласының оңтүстігіндегі Пагаситикос шығанағында байқалды.
Бұл медузаның ерекше көп шоғырлануы Эгрибоз аралының солтүстік жағалауында байқалған және олардың таралуы Искьядос және Искепелос аралдарына жетті.
Бұл аймақтарда жүзгісі келетін адамдарға сақтық танытып, медузалардан аулақ болуға кеңес берілді.
Pelagia noctiluca күлгін медузасы Жерорта теңізіндегі ең қауіпті тіршілік иелерінің бірі саналады. Олармен байланыс салдары терінің қызаруы, ауырсынуы және күйдіруіне әкелуі мүмкін.
Мамандардың айтуынша, медуза шаққан сезімтал адамдарда жүрек айнуы, қан қысымының төмендеуі және тыныс алудың қиындауы белгілері байқалады.
Бұдан бұрын Еуропа теңіздерінде медузалар саны артып жатқаны хабарланды.
